Willkommen, Gast

THEMA: Plattdütsch

Plattdütsch 6 Jahre 1 Monat her #26

  • Klaus
  • Klauss Avatar
  • OFFLINE
  • Administrator
  • Beiträge: 92
  • Dank erhalten: 11
  • Karma: 0
Moin Korl,
Dann loot dat rut un bring dat hier to Papier !
B) ich glaub ich lern das schreiben auf Platt nicht mehr aber verstehen kann ich jedes Wort und mit 2-5 Bier im Kopf klappt das schnacken auch ganz gut...aber schreiben finde ich total schwer.
Um so schöner wenn Du und Hans was zum besten geben.

Lieben Gruß
Klaus
Der Administrator hat öffentliche Schreibrechte deaktiviert.

Plattdütsch 6 Jahre 3 Wochen her #32

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
:) Moin moin leeve Frünn' meern in S H ; Mien Seute un ik sülms sünt up Foto Tour ween över de Elf Brüch un heppt dor wat rünner lünkert. Dat is dorbi rut kamen..

Segment een is hochföhrt
Dieses Bild ist für Gäste unsichtbar. Bitte melde dich an (oder registriere dich) um es zu sehen.
Segment twee, dree un veer sünt rünner föhrt un door bruust de Elf över daal.
Dieses Bild ist für Gäste unsichtbar. Bitte melde dich an (oder registriere dich) um es zu sehen.
Korl
Der Administrator hat öffentliche Schreibrechte deaktiviert.

Plattdütsch 6 Jahre 3 Wochen her #48

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
:evil: Dor steiht hei doch in't Water und is (nee,nich an't Versupen)an't Freern, villich keddelt em ok de Seehechte an sien Feut, or he sitt inne Mutt fast? Ik weet dat nich,dat schall Kunst in't Water ween!

Dieses Bild ist für Gäste unsichtbar. Bitte melde dich an (oder registriere dich) um es zu sehen.

Korl
Letzte Änderung: 6 Jahre 3 Wochen her von korl.
Der Administrator hat öffentliche Schreibrechte deaktiviert.

Plattdütsch 6 Jahre 2 Wochen her #51

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
:P :woohoo: So leeve Frünn' in dütt scheune Forum; nu wilk' mol versöken mi an mien Kinnertied un an dat vermaledeite Swienslachten to besinn'! Dat füng je dormit an, dat de Slachder un Vadders dat utsöchte Swien ut'n Stall rut haln' dän', na dan' Swientrog hen bugsiern dän' un dor kreeg dat denn dan' Fangschuß. Up'n ümdreihten Trog müss dat je rup, denn wör't je affstäken to'n Utbleuden. Dat Blaut müsst upfangen un röhrt warrn, um de Gerinnung to stoppen. Brukt wör dat Blaut je vör dat Swattsuer un vör de Blautwuss. Denn müsst de Trog ümdreiht warrn un dat dode Veih käm dorin ton'n Affbreuden mit kaken Water.Ik schürr mi hüt noch,wennk' an düsse Arbeit denken mutt! Mit de Schrap-Glokken wör dat Tier denn blank schrapt un de Borsten affrasiert.Wör dat allns fardi ,müsst dat Swien je mit de Hinnerbeen an't Hängeholt bunn'- un an en starke Ledder hoch hangt warrn.Nu trenn de Slachder dat Swien vun baven bät ünnen up, dormit dat utkeulen künn.Dat pressier alnns fröh morns. Namiddags käm de Slachter weller un deel dat Swien an de Ledder utenanner. Dorna käm de Fleeschbekiker un nähm dat Fleesch in Ogenschien un unnersöch allns up Trichin' un sowat. Fünn he nix, stempel he dat Fleesch aff mit "Allns Roger". Denn eist kunn dat Fleesch wieger verarbeet warrn.
Ik kann mi noch bannig gaut doran besinn',wat de Slachder dor enmol mit mi anstellt hätt!Dat Swien leig up'n Trog un he bölk mi an:"Wo häst' dan'Ogenbohrer? Ik bruk em furns!Un wenn Du em nich finnsT',loop flink na mien Fru hen, de gifft die denn en annern!" Ik bünn je affbritzt na de Fru un heff (öllich ut de Pust)mien' Updrag nöömt. De Fru lach un meent tau mi: " Töv n' Momang, ik hal die dan' Ogenbohrer".N' Ogenblick later käm se denn je ok mit en dicken Sack an un geev mi dan' denn un meen: "Nu man fix, de tövt all to Hoop up Di".As ik dan' sworn Sack afflievern dä, meen de Slachder tau mi:"Nu pack em ut,dan' Ogenbohrer". Wat schalk' Di seggen; in dan' Sack wörn swore Teigelsteen inpackt un all de Lü um rüm heppt sik fix över mi Dömelack ammersiert!
Korl
Letzte Änderung: 6 Jahre 2 Wochen her von korl.
Der Administrator hat öffentliche Schreibrechte deaktiviert.

Plattdütsch 6 Jahre 1 Woche her #54

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
:woohoo: Slachtfest :P
Sü, nu geiht je wiger un de Slachter deel avends dat ganze Swien na Vörgaven vun Vadder un Mudder utenanner. Dor wörn de Schinkens trecht snäden, de Schullebradens, de Karbonadenstrang, de Specksieden, dat Buukfleesch, de Snuten un Poten, dat Koppfleesch vör dan' Presskopp(de käm in' Magen rin),de Darms müssen reinigt warrn. Dor käm je de Leberwuss un de Grüttwuss rin. Dat rode Fleesch wör vörbereedt tau'n Mettwuss stoppen. De Dickdarms wörn dor vör de Blautwuss, mennig mol ok noch en Rinder-Butt von de Kau.
Un avends geev dat dat "Möörbraden-Eeten". All de Hülpslü un nahsten Verwandten wörn dorbi bi brate Kortrippen mit Kantüffel, Braden-Soß' un Wintergemüse. (Slacht wör je egentlich nur winterdags)Dat geev Beer, Koffi un Bruus vör de Görn.Na dat "Schötteldrieven" wör Skat kloppt twüschen de Mannslü un de Fruunslü heppt wi jümmers allns wedder klor un rein makt!
Dat wör dat scheunste an de ganze Swineree
Korl
Letzte Änderung: 6 Jahre 1 Woche her von korl.
Der Administrator hat öffentliche Schreibrechte deaktiviert.

Plattdütsch 6 Jahre 1 Woche her #55

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
B) Verarbeedung :unsure:

Moin moin leeve Frünn', de jü all to Hoop mien Erinnerungen dörch läsen daut, ik bün affslut keen' Fachmann vör Swien slachten, Wuss maken or Fleesch verarbeeden!Dat een or anner mach je wat anners west wäsen, avers de Endprodukte de stimmt!Dat Swien wör kompleet verarbeed, bät up de Borsten un de "Scheu"(Schuhe). De Schinkens,Specksieden, Isbeen, Schullerbradens usw. müssen in de Soltlaak to'n Dörchtrecken inleggt warrn, later kämen se in de Rookkamer to'n anrökern.
Buukfleesch müsst kakt warrn to'n Wiederverabeeden in de Blautwuss, Swattsuer, Wittsuer un "Sylt". Dat wör later up't Swattbrot eeten. Sü, de Lebber wör vör de Lebberwuss brukt, dat Swattsuer wör ut 2/3 Fleeschbreu un 1/3 Blaut hierstellt. De Blautwuss ut 3/4 Fleeschbreu un 1/4 Blaut. De Buttenn' und Dickdarm wörn je dörch en Tröchter füllt un de Wuss müsst tweesidig affbunn warrn.Lebberwuss, Grüttwuss(mit Havergrütt)un Mettwuss wörn mit de Wussmaschin' stoppt ahn' Luftsäck in de jewiligen Darms un müsst ok tweesidig affbunn' warrn. Dat wör wichtig.De Presskopp wör ok mit Fleeschbreu un Koppfleesch füllt un aff bunn'.Wellfleesch wör brukt to'n Wellfleesch-Eeten.
Un denn wör de Wusskätel anhitt to'n Breuen von all de scheune Wuss. En Thermometer wör rinhangt üm de Temperatur to beobachten. Dat dörf nur wallen un nich kaken. Wör denn allns fardi un affköhlt, käm ok de Lebberwuss,Blautwuss un Presskopp in de Rokkamer to'n anrökern. De Mettwuss ävenso.
Ik denk noch hüt mit Grien' doran wenn Muddern ropen dä: "Kinner, de eiste Grüttwuus is fardi vör juch"!
Ja so wör't freuer , Korl

Dieses Bild ist für Gäste unsichtbar. Bitte melde dich an (oder registriere dich) um es zu sehen.

Mutter Helene und Tante Therese(von rechts)
Letzte Änderung: 4 Jahre 7 Monate her von korl. Begründung: Nachtrag
Der Administrator hat öffentliche Schreibrechte deaktiviert.
Ladezeit der Seite: 0.844 Sekunden
Powered by Kunena Forum