Willkommen, Gast

THEMA: Plattdütsch

Plattdütsch 1 Monat 3 Wochen her #745

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
Erinnerungen an mien aktive Sporttiet


Sülms bün ik över nägen Johrn Jugendleader ween bi'n SV Hamwoor in Saken Fautball.
In 1974 gäv dat een A-Jugend Team un de hätt sik all 1975 uplöst rin in dan Herrenberiek.
Deswägen häff ik sülms in 1974 all een Bubimannschopp (E-Jugend)in't Läben ropen wiel
miene beeden Burschen Dirk un Christian dringend een sinnvulle Frietiedbeschäftigung
hebben müssten. Bit 1983 häff ik dat dörchholln un letzlich all de gängigen Jugend-
Mannschaften dörch enormen Taulop in Loop von dürs Tied upstelln künnt. Worüm dürs Taulop(?),
klor doch wü heppt in de Freetied n'barg mit de jugendlichen ünnernahmen. :cheer:

Een Uutfohrt is mi noch lävhaft in Erinnerung; na Berlin-Frohnau to een Jugenfautball Turnier.
Öbrigens hätt sik de Damenmanschopp mit Trainer W.Nährig mit ansslaten to Fründschoppspille in
Berlin.Mien C-Jugend is dunnemals bit in't Finale kamen, övers nich gewunnen. De Damen heppt
dree Spille in Fründschaft affsolviert un tweemol verloorn un eenmal gewunnen. Interessant wör
vör alle Deilnehmers un Deilnehmerinnen Berlin mit U-Bahn un Busse kennen to liern. :woohoo:

Los güng dat vör uns alle mit privat PKW's bit toon Bahnhoff Beuken(Büchen).Hier hätt de Inter-
zonentog anholln un wü sünt mit n' Sammelfohrschien instägen, De eiste Stopp wör je denn in
Boizenborg gliks achter de dormalige Grenz. Hier steigen nu je de DDR-Kontrolleure in, üm uns
all tosamen to kontrolliern'. De Sittornung müsst je strikt inholln warrn, dorup heppt de Vopos
streng acht'! Ik sülms kreeg gliks een Anranzer as Reiseleader, wägen de Jungs nich Platz holln
künn un rüm llopen dähn.
;)
Bi mien Uutwieskontrolle hätt de Vopo dennich een dörchsträken Baukstaven funn un wull mi binah
verhaften. Gottseidank wör bi de Damenfautballerinnen Bettina dorbi, de je in't Amt Geishacht Land
vör de Pass-Utstellung taustännig wör un hätt das Missverständnis upklärt. Een Station vör dan
Bahnhoff Zoo in Westberlin sünt de Vopos weller utstägen un häppt uns tatsächlich gauden Upentholt
in Berlin an't Hart leggt. Dorna sünt wü denn all to Hoop in de Station Bahnhoff Zoo utstägen. Nu güng
dat je wiger mit U- un S-Bahn un Bus bit na Berlin-Frohnau. Dats so een Stadttdeel de dreisidig
von de DDR inslaten wör. :unsure:

Wilhelm kenn sik dormals gaut in Westberlin ut un harr een Jugendharbarg utfindig makt wo wü denn all
to Hoop ünnerkamen sünt. To alle Spille und Fritietutfohrten heppt wü ünner Wilhelm sien Führung
Westberlin bannig gaut kennen liert. Na Affschluss von alle Aktivitäten güng dat denn je weller de
glike Tour torüch bit Beuken un mit PKW's to Huus. Een Geschicht is twiefelhaft un binah nich tau
glöven: Mien Späler Maik sien Vadder Walde(he wör scheid von Maik sien Mudder)steig eenfach schon
bi de Henfohrt mit rin in de Bahn un föhr mit na Berlin un wahn ok mit in de Harbarg. Ik glöv
Wilhelm hätt dat allns ünner grote Schwierigkeiten mit alle Kontrollöre regelt.


Korl
Letzte Änderung: 1 Monat 3 Wochen her von korl. Begründung: schreibfehler
Der Administrator hat öffentliche Schreibrechte deaktiviert.

Plattdütsch 1 Monat 3 Wochen her #746

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
:dry: Nadrag ;)

Noch een poor Wöör tau de Upgliederung

A-Jugend 18 Johrn öllere Jungmannen
A-Jugend 17 Johrn jüngere Jungmannen
B-Jugend 16 + 15 Johrn ünnere Jungmannen
C-Jugend 14 + 13 Johrn Schüler
D-Jugend 12 + 11 Johrn Knaben
E-Jugend 10 + 9 Johrn Bubis
F-Jugend 8 + 7 Johrn Mini-Bubis


In all dürs Tieden häppt alle Bedeiligten n'n barg mit de Jugendlichen ünnernahmen;all
de Punkt' un Pokalspille wörrn de Jungs hen' un her föhrt von de Öllern un de Betreuer.
Wochenenduutflüg sünt ok öfter uutföhrt worrn. Dorbi häff ik mennigmal de ganze Manschop in mien
PKW mit Anhänger(!) insitten un leggen laten un häff jümmers Glück hatt ah'n Unfall..!


An Enn von mien Vörstandstiet bi'n SV Hamwoor harr ik tatsächlich alle Klassen besett un
vör jede Mannschopp een eegen Trainer dorbi. Dat hätt Spass makt. Gliktidig bün'k je
de gliken Johrn in de Gemeindeverträdung wählt worrn un häff dat bit toon 1.Stellvertreter
von BM bröcht. In 1983 häff ik dennich inTribarg in Swatten Holln mien seute Deern
kennen un leiven liert un häff all de öffentlichen Ämter dal leggt. B)



Korl
Letzte Änderung: 1 Monat 3 Wochen her von korl.
Der Administrator hat öffentliche Schreibrechte deaktiviert.

Plattdütsch 1 Monat 3 Wochen her #747

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
:P De eiste Uutflug gen Duisburg-Homberg :ohmy:

Jau, de eiste Uutflug güng dunnemals na Duisburg Homberg an' Rhein. Dat wör
nägenteinhunnertachtig mit uns Knabenmannschopp. De Trainer wör to de Tiet
Günner Holert. De Tour wör mit fief Privat PKW's dörchföhrt von Himmelfohrt
bit Sünndag's torüch.Ik kann mi nich mier besinn', wer dat dormals utklamüstert
harr. Wahnt heppt wü direkt an' Rhein in een' runden Waterturm mit mit tein Geschotte.
Fohrstaul? Fehlanzeig';allns jümmers to Faut rup un rünner. Ik sülms häff mit
mien beeden Jungs Dirk un Christian in't sösste Bavengeschott wahnt. Twee
Fründschaftsspille sünt ok tostann kamen und sünt all beed verlorn gahn. Dat
wör nich so leeg, de Hauptsaak wör je dat Kennenliern von Land un Lü ! Ja,sünnerwies
heppt dürs Uutfohrten ok dotau bidragen dan Taulop von Jugendlichen in unsen
Verein SV Hamwoor to beschleunigen.

Korl
Der Administrator hat öffentliche Schreibrechte deaktiviert.

Plattdütsch 3 Wochen 5 Tage her #748

  • korl
  • korls Avatar
  • OFFLINE
  • Gold Boarder
  • Beiträge: 304
  • Dank erhalten: 6
  • Karma: 0
:P Snuten un Poten :P

Snuten un Poten
1. In Schleswig is doch, wie bekannt,
dat Eeten wunnerscheun,
so manche Speziolität
kriegt man bi uns to seh`n.
Uns Möwenschiet, uns Bütt und Stint
dat is`n Hochgenuss,
veel scheuner noch als Sekt
de ganze Krimskram smeckt!
Wer sick sowat bestellt,
de kriegt wat for sein Geld.
Dat sind de
Snuten un Poten,
dat is`n fein Gericht,
Arfen und Bohn`n,
wat Scheun`res gifft dat nicht.
Spickool und Klüten
und denn `n Kööm dorto,
o Kinners, Kinners, wat`n Eeten!
Lang man düchtig to!
2.Wenn wi uns mol verheirod`n dot,
denn frogt wi nicht no Geld,
de Hauptsook is, wenn stramm de Deern,
dat is, wat uns gefällt.
Und wenn sie mir denn sagen tut:
" Mein Schatz, ich liebe dich",
dann segg ick: Seute Deern,
heff di von Hatten gern,
mein Pummel Zuckersnuut,
kock mi man gau`n Putt
so vull mitSnuten un Poten,
dat is`n fein Gericht,
Arfen und Bohn`n,
wat Scheun`res gifft dat nicht.
Spickool und Klüten
und denn `n Kööm dorto,
o Junge, Junge, so`n Muul mook man,
lang man düchtig to!
3. Wen ick mol in den Himmel koom,
denn ruf ich: Bitte sehr,
ach, lieber Petrus, lang mich mol
die Speisekarte her!
Und passt mi denn dat Eeten nicht,
go ick to Konkurrenz,
des Satans Schwiegermutter
die kocht uns denn in Butter-
zum letzten Mol, wie scheun,
kriegt wi nochmol to seh`n
so`n Putt vull
Snuten un Poten,
dat is`n fein Gericht,
Arfen und Bohn`n,
wat Scheun`res gifft dat nicht.
Spickool und Klüten
und denn `n Kööm dorto,
o Junge, Junge, so`n Muul mook man,
lang man düchtig to!


Text : Ludwig Wolf

Melodie : Maorice Scott

Korl
Der Administrator hat öffentliche Schreibrechte deaktiviert.
Ladezeit der Seite: 0.332 Sekunden
Powered by Kunena Forum