Willkommen, Gast

THEMA: Plattdütsch

Plattdütsch 2 Monate 3 Wochen her #815

  • korl
  • korls Avatar
  • OFFLINE
  • Platinum Boarder
  • Beiträge: 387
  • Dank erhalten: 6
  • Karma: 0
:) Krontüg Ezechiel :kiss:

Kik an, dat ward jümmers bäter mit de Bemätung von' Tempel VII

Vers 40.17 Un he föhrte mi wiger to'n butelsten Vörhoff, un kik an, dor wörrn Kamern un een Plaster
makt an' Vörhoff, dörtig Kamern wörrn up dat Plaster
Vers 40.18 Un dor wör dat Plaster to de Siet von de Tore, so lang de Tore wörnn, nämlich dat ünnere
Plaster

Ezechiel pett nu ut dat Tor rut un wendt sik, in' butelsten Hoff stahend, na achtern hen kikend dat
Torgebäude to. He bemarkt de Utmaten von dan butelsten Vörhoff un dat de Trüchsiet von de Butenümfa-
tungsmuuern mit Kamern utrüst sünt. Togliks stellt he fast, dat dat dörtig Kamern sünt. Vör jem un an
de Siet von de Tore, nämlich.."so lang wie de Tore wörrn"..is een Plaster "makt". Een bannig inleuch-
tende Erklärung, wenn man denn de Teiknung betrachten deiht. Dat Plaster führt ut de Halle, nämlich
de binnelste Torhalle, dörch dat Torgebäude, so to seggen an dütt Torgebäude rüm, to de Kamern, so dat
man drögen un ok sauberen Faut's dorhen gelangen künn. Dormit kriegt wü een wigeren Henwies dorup, dat
dat Torgebäude binnen de Muuer d.h. na binnen anleggt wör, dennich he seggt.."solangen de Tore(na binn')
wörrn"..Datt stützt de later nagewiesen Behauptung, dat de Butenmuuer, wie in mien Teiknung dorstellt
is, wiet an Anfang un dormit an de butelste Siet von't Tor lägen hebben mutt. Up de Kamern sülms ward
wü noch in een later Kapitel ingahn'. Ezechiel snackt ok dorvon, dat sik dat üm dat .."ünnere"..
Plaster hannelt. Dat is richtig, dennich dat Gebäude sticht (steigt) gegen de Mitt to, de binnelste
Vörhoff liggt höger as de butelste Vörhoff un de Ümfatungsmuuer. He snackt also folgerichtig vo't ünnere
Plaster, womit he andüden will, dat he ok later an dan binnelsten höger liggen Toren solke Plaster seihn'
hätt.De Utsag' över dat ünnere Plaster un de Kamern erinnert een lütt bäten an de Tempelbauten von
UXMAL. Hier häppt wü een Tor, welket ünner een solke Kamerreeg' hendörch föhrt. (Fig.2)

Dat ünnere Plaster läg' dennich to Sieden von de Tore. Up düssen Henwies up een ünneres Plaster wör
dennich ok up de Anwesenheet von een babelstes Plaster vör de Kamern to sluten. Manche Beschrievungen
vn ollen südamerikanschen un mexikanschen Bauten klingt stägenwies oft wie een direkte Beschrievung
von einzelnen Stägen, Deels or ganzen Gebäuden von dürs Komplexe. Leider findt sik dennich in de
wigeren Beschrievungen stets Deele or Anordnungen, de eendüdig nich in de ergäven Rekonstruktschon rin
passen daut. Wü häppt also Ezechiels Tempel noch nich funn. Trotzdem, dürs Ähnlichkeet in de Gestal-
tung, in de Upfatung von solken Bauten. Künn hier nich doch twüschen düssen un jenen een.."Stilverwand-
schopp".. bestahn'? Ik weet, dat de meisten von de upfunn südamerikanschen Tempelbauten latereren Pe-
rioden tau schräven ward un müch doran ok gornich rütteln, avers leich' dat nich doch villicht in dan
Beriek von de Meuchlichkeeten , dat Ezechiels Tempel so een Ort Vörbild för de lateren Kulturen west
sien könnt? Bekikt se eenmol de Gebäude von dan Tempel mit'n Krüz in PALENQUEe(Fig.9)or ok von' Tempel
to TULUM(Fig.10) Weller is et een Upfatung von een torordig' Gebäude; dor sünt breedere Pielers an de
Butensiet, dor is een lüttwat breederer mittlerer Dörchgang. Deels von de Gebäude sünt höger as de
Rest. Is dor worhaftig keen Verwandschopp hen to unse Rekonstruktschon?

Een Anmarkung to de Niveau-Ünnerschieden: De Führer is to't butelste Tor schon von buten Treppen rup
gahn'. Ok dat ümgäven Gelände leich üm etlichet niedriger as de butelste Vörhoff un dürs weller ünner
dat Niveau von' binnelsten Hoff. Wü ward uns later doran erinnern. In nafolgenden Vers von Ezechiel
beschrifft he, wie de Führer, utgahend von dütt butelste Oosttor, dan Affstand to't binnelste Oosttor
mit hunnert Ellen utmäten deiht. Wenn Se hiertau de vörwegnahmen Gesamtansicht von Tempel (Fig.3) ver
gliken daut, ward se seihn, dat dütt Vörgahn för jemenden, de een Frömden dat Gebäude för Oogen führn
will, bannig sinnvull is. De Führer gifft sien Gast tonächst een Överblick över de Lag' von de Tore, üm
em dordörch de Gesamtordnung verständlich to maken. In' Gesamtplan von' Tempel könnt wü dan Weg Ezechiels
un von sien' Führer verfolgen. De Wegführung is dörch is för eene Besichtigung affsolut logisch. Bi de
Begegnung stellt wü fast, dat insgesamt 6 Tore vörhanden sünt, von jem 3 de butelsten Muuern, d.h. de
Butenmuuern von butelsten Hoff, dörchbräken un wovon jedet in een annere Häbenrichtung, nämlich na
Oosten, Norden un Süden zeicht. 3 wigere Tore bild', düsse gegenöverliggend in de gliken Häbenrichtun-
gen, de Ingäng in dan binnelsten Vörhoff. Alle 6 Tore sünt in jem Grundupbu gliks. Ezechiel seggt dat
miermals. Dorbi sünt de Tore so anordent', dat de Hallen von de butelsten un de binnelsten Tore na
dan butelsten Vörhoff wiesen daut, d.h., dat se eenanner tokeht sünt. Von de architektonischen Wirkung
her mutt dat Bild, dat sik Ezechiel baden hätt, von jeden Standpoint ut indrucksvull west sien.


Korl
Letzte Änderung: 2 Monate 3 Wochen her von korl.
Der Administrator hat öffentliche Schreibrechte deaktiviert.

Plattdütsch 2 Monate 2 Wochen her #816

  • korl
  • korls Avatar
  • OFFLINE
  • Platinum Boarder
  • Beiträge: 387
  • Dank erhalten: 6
  • Karma: 0
:cheer: Krontüg Ezechiel :dry:

Nu ward je wigerhen spannend mit de "Tempelbesichtigung" VIII

Blievt wü, bevör wü Ezechiel un sien Führer up jem ehrn Weg wiger begleiten dautn nocheens
n' lütt bäten bi dat Tor. In mien Teignung häff ik de Pielers, de mit jem eer fählerhaften
Beschrievung von 60 Ellen so väl Sorg'utlöst harr un de sik dennich as 6 Ellen breet rut stellt
häppt, holl (hohl) upteikend. Ezechiel erwähnt dat bi de Beschrievung von dat eiste ööstliche
Tor noch nich. Eistlichtau in Vers 16 bericht he uns,dat, wie an de Kamern, ok an de Finster
Pielers wörrn. Solke wörrn nur sinfull, wenn dorin Kamern sünt. Tatsächlich bekamt wü solken
Henwies in Vers 38 bi de Beschievung von dat binnelste Nordtor. Dor heet dat:

Vers 40.38 Un ünnen an de Pielers an jeedeen Tor wör een Kamer mit een Dör, worin man dat Brand-
opfer waschen dä.

Mierfach ward utsecht , dat de Tore alle gliks sünt. Ik nähm an, dat alle Tore dürs Kamern
in de Pielers harrn, dat de dürs avers Ezechiel bi de Besichtigung von dat eiste Tor noch nich
upfolln sünt. Wenn se mi an dürs Stäg n' lütt bäten Phantasie verlööft, müch ik behaupten, dat
sik keeneswegs üm Kamern hannelt hebben künn, in de man dat Brandopfer woschen hätt, Dat is een
meuchliche Düdung. Offensichtlich wör in de Kamern wat, wat up de Verwendung von Water sluten
lött. Entweder wörrn dor Becken or ok Leitungen, de Ezechiel sö düden dä, dat dütt de Platz wör,
an de de Opfer woschen wörrn. Na sien Vörstellungswelt wör dat de logische Erklärung. Dat Opfer,
dat von buten dörch de Tore rinbröcht wör, wör je .."unheilig"..dat wör schmutzich un nich würdig
in dürs saubere Stäg in to gahn. Wat leig also nöger, as et in de Nöchte von dat Tor to säubern?
Ik sülms bei een wesentlich' profanere Lösung an: Dat wörrn Toiletten ! Jeddeen Architekt wör de
in de Nöchte von de Tore anbringen, sünnerlich dennich, wenn de sik unupfällig in dat Gesamtge-
bäude infügt un he een' ansünsten nutzlosen Platz dorför verwennen kann. Ünnerstellt man, dat in
de 6 Waschkamern 12,18,24, ja villicht sogor 30 Wachhebbende Deinst dähn', is et woll logisch, dat
man jem in de Nöchte een Meuchlichkeet to jem ehr Befrädigung von jem ehr Bedörfnisse beiden dä.

De vörher beschräven Dorsteluung von de Tore brukt nich unbedingt de allen-gültige to
wäsen. Ok de in Fig 4 ddorstellte Anordnung erfüllt de bither nömten Bedingungen. De Pielers könnt
hier äbenfalls massiv or ok holl wäsen. De wesentliche Ünnerscheed von dürs Variante gegenöver Fig.
1 sünt de beeden in dat Gebäude ingetrocken Schwellen von 6 Ellen. Dürs Dorstellung deit dan tit-
lichen Vörgang von Ezechiels Beschrievung wat bäter entspräken. De wiest, dat de butelste Schwell
nich an de Butensiet von dan Säulenhoff, sünnerlich twüschen de Kamern un dan eegentlichen Torruum
anbröcht is. Dürs Alternative, bi de sik twankslöfigup de (bi dütt Tor) ööstlichen un westlichen
Siet näven de Kamern bannig massive Muuern von 6 Ellen Stärke ergävt, reizt dorto, de Butenmuuer
duppelt, mit je 6 Ellen Stärke an to nähm'. De gesamte Grundfläk von de Ingangskamern wörrn dennich
gliks grot ween wi de för de Butenkamern entstahn' Fläken. Dürs Buwies bild dennich een bannig mas-
sive Utführung, wie datbi südamerikanschen Bauten öfters to seihn is. Dürs Lösung slütt leider
"Finsterchen" in de Kamern ut un passt ok nich to de sik later inKapitel 8 ergäven Logik. Deswägen
warr ik de nich wigerhen nich benützen.

Dieses Bild ist für Gäste unsichtbar. Bitte melde dich an (oder registriere dich) um es zu sehen.

Korl
Letzte Änderung: 2 Monate 2 Wochen her von korl.
Der Administrator hat öffentliche Schreibrechte deaktiviert.

Plattdütsch 2 Monate 2 Wochen her #817

  • korl
  • korls Avatar
  • OFFLINE
  • Platinum Boarder
  • Beiträge: 387
  • Dank erhalten: 6
  • Karma: 0
:cheer: Krontüg Ezechiel :side:

Sühst woll ,nu geiht je wiger mit Ezechiel sien' Tempel IX

Ok de Utführung na Figur 5 schall as Alternativ' beurdeelt warrn. För se sprikt de tietliche
Affloop von de Beschrievung: De 6 Ellen starken Pielers ward toletzt nömt. Ezechiel nömt in
Vers 7 toeist de Kamern, dennich allerdings de butelste Schwell, dennich in Vers 8 + 9 de
Hall' un eistlichtau toletzt in Vers 14 de Pielers. Man schull de Regenfolg' allerdings keen
to grote Bedüdung bimäten, dor de textliche Kontiunität mit dan Affloop von de Besichtigung
ok in Loop von de wieteren Beschrievung nich jümmers gäven is. Gegen dürs Vers sprikt einiget.
Dat Tor mit 13 bzw. 10 Ellen wör, glikgüldig ob twüschen de 2 Ellen-Säulen or ok de 6 Ellen-
Pielers anordent, sien Zweck nur dennich erfülln, wenn dat langens de Butensiet , also etwa
langen de Maat pfeile 8,2,6, dörch een wigere Muuer affgrenzt wör. Dennich is avers entweder
de Hall nich mier 25 Ellen lang(breed)or de Gesamtanlag' breeder as 25 Ellen. Nur so de Tor-
ruumvon butelsten Vörhoff trennt. Bi't eiste Tor dorgegen is dürs Trennung dörch een Dör langen
de Maat pfeile 10 sauber meuchlich.Ok wörrn bi dürs Version keen Fensterchen an de Hall
meuchlich , dürs ward avers utdrücklich erwähnt.

Insgesamt schient de Tore för Gestalt un Funktschon von dat Gesamtgebäude grot' Bedüdung to
hebben. Keen wderes Gebäude wart so utführlich von Ezechielk beschräven, de Führer em in
de Nahfolge to alle witeren 5 Tore henbröcht, obwoll dor egentlich nix Niges fast to stelln'
wör. Sülms wenn man annimmt, dat he mit sien' Besöker dorhen lopem müsste üm em de Gesamtord-
nung inprägsam klor to leggen , häppt de Beeden doch miteenanner erheblich' Wäg' torüch leggen
müssen, üm all deTore besichtigen to könn'. De Frag' bewägt; worüm dat geschen'n is. Een
meuchliche Anter zeicht sik eist in' witeren Verloop von de Analyse. De Lag' von de Tore is jüm-
mers weller Bezuchspoint bi't Överprüfenden Naräken von de Maatkäden. Schull Ezechiels Führer
dorup schon Rücksicht nah'm hebben? Schull he de Probleme, de een Nadrächlich Konstruktschon
bringt, schon kennt hebben? Um meuchich seker to wäsen, dat een Rekonstuktschon gelingt, harr
hütigendaags jeedeen Vermätungsingenieur gegenöver von een Laien ok so hannelt. Wenn dat avers
-un välet sprikt dorför-so Wör: Wekke Wietsicht, wekke Sachkenntnis von dan Führer! Un dat nur,
üm een Preister-Kollegen von een anneret Volk een Kark to wiesen?

Noch een Grund is plausibel: De Grundriss von dütt Tor is, in' Verglik to annere Gebäude, rela-
tiv eenfach to överkiken. Technik un Methode von't Upmäten wörrn doran gaut demonstierbor. De
Führer kunn faststelln', ob sien' Gast folgen un verstahn' künn. Ok dat lött dorup sluten, dat
man de Överdrägung von dat Wäten up Ezechiel gtote Bedüdung bimäten dünn. De Anter up düsse
Frag' ward wü gegen Enn von uns Ünnersökung nur ahnen könnt. Wennt wü uns nu de binnelsten
Tore tau. Dürs heppt gegenöver de butelsten Tore Ünnerscheede. Se sünt speigelverkehrt anordent.
Pett man hier von buten rin, passierte man toeist de Halle mit dat Tor un dennich eist dan Gang
twüschen de Kamern. Jem eer Binnensiet wör dan binnelsten Vörhoff taukehrt un tämlich schmucklos.
De Architekten von de Anlag' heppt een' ganz geschickten Zuch makt, inden se dürs Binnensiet
mit een tosätzlichen Säulengang ümfaat heppt.Düsse Gänge heppt dan Binnenhoff vördeelhaft ut-
gestalt'.Dat ward later noch zeicht, dat de Tore-ahn'dürs tausätzlichen Ümgäng'-20 Ellen deep
in dan Binnenhoff rin ragt heppt. Ahn' de Umhüllung harr dütt echt kastenortich wirkt.Wie wü de
Figur 6 entnähm' könnt, is een harmonisch Buwark entstahn'. Dürs Teiknung, de ton' bäter Ver-
ständnis in deelwies Schnittdorstellung bröcht ward, is also de to vermauden Dorstellung von't
binnelste Tor. Bekannt is uns nur de Grundriss, all de Höchten-Affmätungen möt wü schätzen.
Wägen de antiken Bumeester architektonischet Gefeuhl för gaude Proportion' harrn, is antonähm',
dat de Torhall' mit dat breede Tor von 10 Ellen höger as de Kamerdeel wör.


Dieses Bild ist für Gäste unsichtbar. Bitte melde dich an (oder registriere dich) um es zu sehen.

Dat Gebäude künn dorher etwa de Teiknung 6 entspräken. Dorup fählt jedoch jegliche Ornaaamente,
dormit wirkt dat Gebäude schmucklos, modern un nakelt. So ward dat nich wäst sien. Ehrer is an-
to nähm', dat mit rieklichen Dekoratschon' för een gefällich Utseihn' sorcht wör. Ezechiel be-
richt över solke Dekoratschon'. Villicht künn de Ansicht von de Butentore etwa Fig. 7 entspräken.
Ik segg nich, dat se so utseihn häppt. Ahn' Kenntnis von dan Buustil un de antosetten Höhen
is de Versök von een rekonstruktiven Dorstellung riskant. Dat schall hier lediglich veranschaulicht
warrn, dat ut dan angäven Grundriss een Buwark mit Proportion' un Harmonie afftoleiten is.

Korl
Letzte Änderung: 2 Monate 1 Woche her von korl.
Der Administrator hat öffentliche Schreibrechte deaktiviert.

Plattdütsch 2 Monate 1 Woche her #818

  • korl
  • korls Avatar
  • OFFLINE
  • Platinum Boarder
  • Beiträge: 387
  • Dank erhalten: 6
  • Karma: 0
:ohmy: Krontüg Ezechiel :kiss:

Mal seihn' wat nu kümmt X

De anbaden Längsschnitt schall een Vörstellung von't Konzept vermiddeln un keen in't Detail
fixierte Konstruktschon dor stelln. Wü ward later seihn', dat Formen von dütt Tor ok mit Buwäsen
südamerikanscher Gebäude un Torgebäude verwandt schient! Dorher is mi an dürs Stäg' seker verlövt
up dan Ingang to'n Tempel von Tiahuanaco hen to wiesen. ( Fig. acht) Ik dau dütt nich, üm to behaupten,
dat de von Ezechiel beschräven Tempel is jener von Tiuhuanaco wäst, sünnerlich nur, üm de Överin-
stimmung in de architektonisch Upfatung von een Tor fast to holln. Ok dor verhölt sik de Ingangs-
öffnung to't Torgebäude wie 10 to 13. Interressant is an dütt Tor de dor sittende monolitsche
Gestalt von een minschlich Gestalt. Dat mach Tofall wäsenavers in't 44 Kapitel, Vers 3, deit
Ezechiel erfohrn'

..: denn de Fürst schall dorünnersitten, dat Brot to äten vör dan Herrn. Dörch de Hall von't Tor
schall he ringahn'un dörch desülbich weller rut gahn'...

De later noch to ünnersöken Text betrekkt sik eendüdig up dat butelste Oosttor (vergl. Kapitel 10)
Besteiht hier een Tosamenhang?

Dieses Bild ist für Gäste unsichtbar. Bitte melde dich an (oder registriere dich) um es zu sehen.

Folcht wü nu de beeden Wannerer up jem ehrn Wech dörch dan' Tempel.

Vers 40.19 Un he mitt de Breede von dat ünnelste Tor an bät för dan' binnelsten Hoff utwändig 100 Ellen,
gegen Morgen un gegen Miiddernacht. Vers 40.20 He mitt ok dat Tor, dat so gegen Middernacht leich, an'
Butelsten Vörhoff; na Läng' un Breede. Vers 40.21 Dat harr ok up jeedeen Siet dree Gemächer un harr ok
sien Pielers un Hall', gliks so grot wie an't vörigge Tor. Föftig Ellen de Länge un fiefuntwintig Ellen
de Breede.

Ezechiel wör nu de Affstand twüschen de Oosttore von't butelste to't binnelste Tor förmäten. Hierdörch
kreeg he dan eisten Henwies up de Utdehnung von dan butelsten Vörhoff. Dennich wör he na Norden to't
dortich Tor henföhrt (vergl.Gesamtansicht) Gliks stellte he fast dat dessen Butenmaaten dat toeist
mäten Oosttor gliken dähn'. Dennich geiht Ezechiel eist up de Buuwies in.

Vers 40.22 Un de harrn ok Finster un sien Hall un sien Palmloofwark, gliks as dat Tor gegen Moergen;
un dat harr söven Stufen, de man rup güng, un harr ok sien Hall' dorför.

Dat bestätigt ok de Ähnlichkeet. Dat Gebäude leig söven Stufen höger, dor man von de Äbene von' butels-
ten käm , as wie Ezechiel meent:.."to em rup güng"..Dürs Henwies is för de latere Ünnersökung von de
Topographie von't Gebäude ganz wichtich! Dat is seker, dat de Stufen binnen lägen , denn Ezechiel müss
de, von' butelsten Vörhoff kamend, rup gahn'.He erwähnt utdrücklich, dat dat Tor een Hall' "dorför" harr.
Dütt is logisch, dor alle Hallen na dan butelsten Vörhoff, aaalso de ööstliche gegen de Richtung ut de
Ezechiel ankäm, utricht wörrn.(Vergl.Gesamtansicht)

Vers 40.23 Un dor wörrn Tore an binnelsten Vörhoff gegenöver von de Tore, de so gegen Middernacht un Mor-
gen stünn', un he mitt hunnert Ellen von een Tor to't annere.


Korl
Letzte Änderung: 2 Monate 1 Woche her von korl.
Der Administrator hat öffentliche Schreibrechte deaktiviert.

Plattdütsch 2 Monate 1 Woche her #819

  • korl
  • korls Avatar
  • OFFLINE
  • Platinum Boarder
  • Beiträge: 387
  • Dank erhalten: 6
  • Karma: 0
:unsure: Krontüg Ezechiel :kiss:

Dat ward jümmers interessanter mit Ezechiel XI

Dat hier is de Bestätigung: Gegenöver von de Butentore lägen Binnentore; jewiels twüschen de beeden
tosamengehörigen wör wie schon bi de beden Oosttore-een Affstand von 100 Ellen.

Vers 4024 Dorna föhrte he mi gegen Middag un kik an, dor wör ok een Tor gegen Middag. Un he mitt de
tohörigen Pielers un Hall' gliks wie de annern. Vers 4025 Un dor wörn ok Finster an em un an sien Hall'
rund ümher, gliks wie jene Finster; un dat wör föftig Ellen lang un fiefuntwindig Ellen breet. Vers 4026
Un wörrn ok söven Stufen rup un een Hall' dorvör un Palmloovwark an jem ehr Pielers an jegliche Siet.

Nadem man fast stellt harr, dat in' Norden een dat Oosttor ähnlichet Tor vörhann' wör un in dütt een
binnelstes Nordtor gegenöver leig, geiht man in' butelsten Vörhoff torüch, twüschen de beeden Oosttore
hendörch un wendt sik nu na Süden. Dat dörfte Ezechiel kum överrascht hämm', hier dat glike Tor noch-
eens an to drapen. He beschrifft dat weller säuberlich un stellt fast, dat dat ok de annern glickt.

Vers 4027 Un dor wör ok een Tor an' binnelsten Vörhoff gegen Middag un hemitt hunnert Ellen von dat
eene Middagstor to't annere. Vers 40.28 Un he föhrte mi nu wiger dörch dat Middagstor in dan binnelsten
Vörhoff, un mitt dat sülbige Tor gliks so grot as de anneren. Vers 40.29 mit sien Gemächer, Pielers un
Hall' mit un mit Finster an em un an sien Hall', äbenso grot wie jene, ringsümher; un dat wör föftig
Ellen lang un fiefuntwindig Ellen breet.

Nu häppt wü all de de butelsten Tore besichtigt. Se sünt ünnereenanner identisch un zeicht in de Richtung
Nord, Oost un Süd. All häppt se Gegentore to'n binnelsten Vörhoff, twüschen jem un de Binnentore liggt
jewiels 100 Ellen Affstand.

Vers 40.30 Un dor güng' een Hall rundüm, fiefuntwintig Ellen lang un fief Ellen breet.

Hier is de tausätzliche schon erwähnte Hall' von't Binnentor in Richtung na dan Binn'hoff. Se deinte to de
Utschmückung un to de Kaschierung von de deip in' Binn'hoff ragenden Torbauten. Se is nur 25 Ellen lang, dat
gesamte Tor avers 50 Ellen. De nömten 5 Ellen Breede lopt rings rüm üm dat Tor. Dat ergifft sik later noch
genau, wägen fest stellt ward, dat de Tore sülms nur 20 Ellen in dan Binn'hoff rin ragen daut, somit ssprüng
de Hall'an ehr körzten Stäg 5 Ellen vör. De Rest von't Torgebäude, nämlich 30 Ellen affzüglich von de Muuer-
stärke, ragte in dan butelsten Vörhoff. Wü häppt keen Grund, antonähmen, dat dürs Anordnung nur bi dütt süd-
liche Binn'tor so drapen wör. Dat is seker, dat dürs Updeelung för alle 3 Binn'tore gelden deiht. Wie schon
seggt, ward eere relative Lag' to de MUuer later dörch de Breede von dan binnelstenTempel un un von de 20
Ellen Twüschenruum to de later nömten.."Kasern"..bestätigt. Dormit beräkend sik de lichte Wiede von' Binnen-
hoff von Muuer to Muuer mit 140 Ellen.


Vers 40.31 Un de Hall', de so gegen dan butelsten Vörhoff stünn#, harr ok Palmloofwark an de Pielers, dor
wörrn avers acht Stufen rup lo lopen.

Dat's je verweirrend, wie Ezechiel hier von de verschieden Halln' snackt. Wü dörft avers annähmen, dat he nu
de Torhall' meent, wekke bi de Binn'tore to'n butelsten Vörhoff dreiht is, un nich de soäben erwähnte nieg'
erwähnte lütte , 5 Ellen breede Hall'. He ünnerscheid de in Vers 31 nömte Hall' gegenöver de in VErs 30 nöm-
ten lütte Hall' dörch dan Tosatz.."so gegen dan butelsten Vörhoff' stünn"..Erwähnenswert is, dat man acht Stu-
fen rup lopen müsste, d.h. de binnelste Vörhoff leig' gegenöver dan butelsten südlichen dütlich höger! Dor
Ezechiel wie üblich keenerlee Angaven över de Höchten-Ünnerschiede makt, möt wü de Stufenhöchte annähmen un
dan Höchten-Ünnerscheed beräken.Bi een Stufenhöchte von 20 bit 30 cm wör he 1,6 bit 2,4 m bedrägen häbben.

Korl
Letzte Änderung: 2 Monate 1 Woche her von korl.
Der Administrator hat öffentliche Schreibrechte deaktiviert.

Plattdütsch 2 Monate 1 Woche her #820

  • korl
  • korls Avatar
  • OFFLINE
  • Platinum Boarder
  • Beiträge: 387
  • Dank erhalten: 6
  • Karma: 0
:) Krontüg Ezechiel :kiss:

Nu geiht je wiger mit dat Utmäten XII

Vers 4032 Dorna föhrte he mi to'n binnelsten Vörhoff gegen Morgen un mitt de dat Tor gliks so grot as de
annern. Vers 4033 Mit sien Gemächer; Pielers un Hall', gliks so grot as de annern, un mit de Finster an
jem un an sien Hall rings ümher, un dat wörrn fföftig Ellen lang un fiefuntwintig Ellen breet. Vers 4034
Un sien Hall' stünn ok gegen dan butelsten Vörhoff un Palmloofwark an jem ehr Pielers to beede Sieden un
acht bavenrup. Vers 4035 Dorna föhtrte he mi to't Tor gegen Middernacht, dat mitt he gliks so grot as all
de annern. Vers 4036 Mit sien Gemächer, Pielers un Hall' un ehr Finster rings ümher, föftig Ellen lang un
fiefuntwintig Ellen breet. Vers 40.37 Un sien Hall' stünn gegen dan butelsten Vörhoff un Palmloofwark an
de Pielers to beede Sieden un acht stufen bargrup.

Nadem man de butelsten Tore besichtigt harr, verfullständigt man nu dat Bild dörch een relativ korten
Ümgang in' binnelsten Vörhoff. Ezechiel stellt fast, dat ok hier glikortige Tore verwendt ward un dat
alle Halln' ton' butelsten Vörhoff henwiesen daut. Bemarkenswert is, de sik von Tor to Tor verknappende
Berichtsstiel von unsen Krontügen. Dat kennteikend Ezechiel, unnödige Wör to vermeiden. Wat bekannt is,
ward nur kort erwähnt, allenfalls de Identität bestätigt. Keen phantasievulle; de orientalischen Utdrucks-
wies to schräven Utschmückungen! Beschrifft Ezechiel utführlich, könnt wü annähmen, dat he uns wwirklich
wat Wichtiges to seggen hätt!

Vers 4047 Un he mitt dan Vörhoff, nähmlich hunnert Ellen lang un hunnert Ellen breet in't Geviert un de
Altar stünn vvvvvör dan Tempel.

Dürs Maten sünt in NS-Richtung eendüdig as de Affstand twüschen de beeden gegenöver liggen Tore to ver-
stahn. In OW-Richtung beleggt se dan Affstand twüschen dat Ingangstor to'n Tempel un dat binnelste Oosttor.
Bit ton' Schluss von de Ünnerseukung wör noch apen, ob dürs 100 Ellen twüschen dat Oosttor un de Tempel-
wand, or twüschen de Binn'hoffmuuer un dan Tempelingang liggen künn'. Eistlichtau dörch de Ünnersökung von
de Kamern an de Butenmuuer (vergl.Kap.8) wör klor, dat utschlieslich de hier beschräven' un in de Teik-
nungen rünnerleggte Alternative richtig wäsen künn! Ob dat de Intelligenz Ezechiels or de von sien Führer
to to schrieven is, dat wü noch hüt-2500 Johrn dorna-in de Lag' versett warden könnt de richtich Anord-
nung von de wichtigsten Gebäude so gaut to bestimm', is nich von Bedüdung. Wer jümmers dat wör: Wekke Ö-
versicht, wekke Intelligenz mit si wenig Mattangaven so eenwandfre'e Fastleggungen to drapen. All wich-
tigen Maten von' Grundriss könnt nu eistmalig bestimmt warrn. Von de Nord-Butenkant bit to de Süd-Buten-
torkant wörrn dat genau 500 Ellen.Dütt könnt wü jetze schon uträken-von de beeden Besöker war doröver
later sogor noch bericht'.De Överprüfung folgt ok noch dörch de Teiknung Fig. 11.


Dieses Bild ist für Gäste unsichtbar. Bitte melde dich an (oder registriere dich) um es zu sehen.


Korl
Letzte Änderung: 2 Monate 1 Woche her von korl.
Der Administrator hat öffentliche Schreibrechte deaktiviert.
Ladezeit der Seite: 0.414 Sekunden
Powered by Kunena Forum